Ýol hereketiniň düzgünlerini bozandygy üçin jerimeleriň bardygyny barlamak we ony tiz tölemek üçin Türkmenistanyň ýaşaýjylaryna «Türkmenpoçta» poçta aragatnaşyk kompaniýasynyň «Çapar» ykjam programmasyny ulanmak ýeterlikdir.

Programmanyň esasy sahypasynda «PÝGG jerimeler» bölümini saýlamaly we açylýan menýudaky «Jerimeler» düwmesine basmaly. Ondan soň awtoulagyň belgisinde ýazylyşy ýaly ähli harplary we sanlary görkezip, awtoulagyň hususy hasaba alyş belgisini girizmeli.

Alnan jerimäni menýudan saýlap, ony derrew bank karty ýa-da ykjam telefonyň hasaby arkaly tölemek mümkindir.

Ýatlatsak, «Çapar» ykjam programmasynda beýleki peýdaly hyzmatlary hem peýdalanmak mümkindir, mysal üçin, çapary çagyrmak, jemagat hyzmatlarynyň töleglerini tölemek, ykjam telefonyň balansyny doldurmak we ş.m.

«Çapar» ykjam programmasyny «App Store-dan» we «Google Play-den» ýükläp alyp bilersiňiz.

Şeýle-de okaň:

• «Belet Film» we «Älem TV» hyzmatlaryna indi «Çapar» goşundysy arkaly töleg edip bolýar
• «Çapar» ykjam programmasynyň ulanyjylaryna Türkmenistandaky ähli guramalaryň habarlaşmak üçin maglumatlary elýeterlidir
• «Post Shop» söwda platformasy türkmen telekeçilerini we dürli haryt öndürijilerini hyzmatdaşlyga çagyrýar