«Çapar» mobil goşundysynyň kömegi bilen indi Türkmenistanyň raýatlary «Belet Film» onlaýn-kinoteatry we «Älem TV» hemra aragatnaşygy esasyndaky teleýaýlym hyzmatlaryna ýeňil hem-de tiz töleg geçirip bilerler.
«Çapar» — bu peýdalanylýan köp sanly hyzmatlar üçin amatly we islendik ýerde töleg geçirmek mümkinçiligidir.
«Çapary» ulanyjylar töleg geçirmegiň şu hili usullaryny saýlap bilýärler:
- «Altyn asyr» bank karty arkaly tölemek;
- Ykjam telefon arkaly TMCell hasabyndan töleg geçirmek.
«Çapar» goşundysyny işläp düzen «Türkmenpoçta» poçta aragatnaşyk kompaniýasy mobil goşundysynyň mümkinçiliklerini giňeltmek hem-de kämilleşdirmek babatda işleri dowam etdirýär. Bu günki günde Türkmenistanyň raýatlary «Çapar» goşundysy arkaly TIIM-niň PÝGG-niň jerimeleriniň, jemagat hojalygy hyzmatlarynyň, kabel telewideniýesiniň töleglerini geçirmek, şeýle-de poçta ýollamasyny ugratmak, agyz suwuny sargyt etmek we başga-da köp sanly hyzmatlardan peýdalanyp bilýärler.
Bulardan başga-da, mobil goşundy howa menzilleriniň, restoranlaryň, dükanlaryň we beýleki guramalaryň hem-de edaralaryň telefon belgilerini özünde jemleýär.
«Çaparyň» ýetirýän oňaýly hyzmatlaryna goşundyny «Google Play» we «App Store» internet dükanlaryndan ýükläp alyp baha berip bilersiňiz.
