Türkmenistanyň olimpiýa ýygyndysy (U-23) Aziýa Kubogy — 2024-iň saýlama tapgyrynda «K» toparçada çykyş eder. Türkmenistanyň toparçadaky garşydaşlary Indoneziýa we Taýwan bolar.
Bije çekilişigiň netijelerine görä, 43 ýygyndy 11 toparça bölündi. Her toparçanyň ýeňijisi, şeýle-de, ikinji orny eýelän ýygyndylaryň iň gowy netije görkezen dördüsi 2024-nji ýylda Katarda geçiriljek Aziýa Kubogynyň final tapgyryna gatnaşmaga hukuk gazanar.
Aziýa Kubogy — 2024-iň (U-23) saýlama tapgyryna çekilen bijäniň netijeleri:
- «A» toparça: Iordaniýa (toparçanyň ýer eýesi), Siriýa, Oman, Bruneý;
- «B» toparça: Koreýa Respublikasy (toparçanyň ýer eýesi), Mýanma, Gyrgyzystan, Katar;
- «C» toparça: Wýetnam (toparçanyň ýer eýesi), Singapur, Ýemen, Guam;
- «D» toparça: Ýaponiýa, Bahreýn (toparçanyň ýer eýesi), Palestina, Pakistan;
- «E» toparça: Özbegistan (toparçanyň ýer eýesi), Eýran, Gonkong, Owganystan;
- «F» toparça: Yrak, Kuweýt (toparçanyň ýer eýesi), Gündogar Timor, Makao;
- «G» toparça: BAE, Hindistan, Maldiwler, Hytaý (toparçanyň ýer eýesi);
- «H» toparça: Taýland (toparçanyň ýer eýesi), Malaýziýa, Bangladeş, Filippinler;
- «I» toparça: Awstraliýa, Täjigistan (toparçanyň ýer eýesi), Laos, KHDR;
- «J» toparça: Saud Arabystany (toparçanyň ýer eýesi), Kamboja, Liwan, Mongoliýa;
- «K» toparça: Türkmenistan, Indoneziýa (toparçanyň ýer eýesi), Taýwan.
