Biziň şahsy hasaplamalarymyza görä, «Şagadamyň» futbolçysy Yhlas Magtymow Ýokary ligada geçiren gollarynyň sanyny 60-a tegeledi. Ol çempionatdaky 60-njy goluny şu möwsümiň 5-nji tapgyrynda «Ahalyň» derwezesinden geçirdi.
Şeýlelikde, Yhlas Magtymow Ýokary ligada 2012-nji ýyldan bäri 60 gol geçiren 12-nji futbolçy boldy. 11-nji basgançakda 64 golly Alibek Abdyrahmanow («Merw») bar.
Sanawyň başyny 142 gol bilen Süleýman Muhadow çekýär. «Arkadag» futbol toparynyň hüjümçisi Didar Durdyýew 2012-nji ýyldan bäri çempionatda 141 gezek tapawutlandy. Ilkinji üçlügi 130 gol bilen Myrat Altymyrat Annadurdyýew jemleýär.
