Atçylygy ösdürmäge goşan saldamly goşantlaryny, türkmeniň milli baýlygy we guwanjy bolan ahalteke bedewlerini ösdürip ýetişdirmekde hem-de olaryň tohumlyk we önümçilik sypatlaryny gorap saklamakda bitiren hyzmatlaryny, gazanan ýokary netijelerini, hünär ussatlyklaryny göz öňünde tutup, şeýle hem Türkmen bedewiniň milli baýramy mynasybetli, Prezident Serdar Berdimuhamedowyň gol çeken Permanyna laýyklykda, şu daşary ýurt raýatlaryna «Türkmenistanyň at gazanan atşynasy» diýen hormatly at dakyldy:
- Gazagystan Respublikasynyň «Ahal-Teke» ahalteke atçylyk hojalygynyň başlygy Ýakow Dige;
- Kanadanyň hususy atşynasy Kerri Jo Stewarta.
Bu barada «Watan» habarlar gepleşiginde habar berildi.
