Girmek
«Real» Ýewropa çempionlar ligasynyň çärýek final tapgyrynyň deslapky oýnunda öz meýdanynda «Çelsini» ýeňlişe sezewar etdi. Madrid şäherindäki «Santýago Bernabeu» stadionynda geçirilen oýunda ýer eýesi 2:0 hasabynda garşydaşyndan üstün çykdy.
«Reala» ýeňiş getiren gollaryň birinjisi Benzemanyň (21), ikinjisi bolsa ätiýaçdan oýna goşulan Asensionyň (74) adyna ýazyldy. Şeýlelikde, Asensio ÝÇL-de ätiýaçdan oýna giren duşuşyklarynda dokuzynjy gezek öz adyna gol ýazdyryp, bu ugurda ýaryşyň rekordyny täzeledi.
Ýeri gelende bellesek, duşuşykda Ben Çillueliň 59-njy minutda emin tarapyndan gyzyl kart bilen jezalandyrylyp, meýdançadan çykarylmagy netijesinde «Çelsi» oýny bir adam azlykda tamamlady.
Toparlaryň arasyndaky jogap duşuşygy 18-nji aprelde Londondaky «Stemford Brij» stadionynda geçiriler. Bu jübütiň ýeňijisi ýarym finalda «Bawariýa» — «Mançester Siti» jübütiniň ýeňijisi bilen duşuşar.