Girmek
Ýewropa çempionlar ligasynyň çärýek final tapgyrynyň deslapky oýnunda «Milan» öz öýünde «Napolini» ýeňmegi başardy. «San Siro» stadionynda geçirilen oýun 1:0 hasabynda ýer eýeleriniň ýeňşi bilen tamamlandy.
Duşuşykda «Milana» ýeňiş getiren ýeke-täk gol 40-njy minutda Bennaser tarapyndan derwezä gönükdirildi. Mundan başga-da, oýnuň esasy wakalarynyň hatarynda «Napoliniň» ýarymgoragçysy Zambo-Agnissanyň 74-nji minutda gyzyl kart bilen jezalandyrylyp, meýdançadan çykarylandygyny bellemek gerek.
«Napoli» bilen «Milanyň» arasyndaky jogap oýny 18-nji aprelde Neapol şäherindäki «Diýego Armando Maradona» stadionynda geçiriler. Bu jübütiň ýeňijisi ýarym finalda «Inter» — «Benfika» jübütiniň ýeňijisine garşy meýdança çykar.