Türkmenistanyň Prezidenti Serdar Berdimuhamedowyň Täjigistana resmi sapary belli bir möhlete yza süýşürildi. Bu barada Täjigistan Respublikasynyň Prezidentiniň metbugat gullugyna salgylanyp, «Asia-Plus» habar berdi.

Saparyň Türkmenistanyň Prezidenti Serdar Berdimuhamedowyň enesi, Türkmenistanyň Halk Maslahatynyň Başlygy Gurbanguly Berdimuhamedowyň käbesi Ogulabat ejäniň aradan çykmagy sebäpli yza süýşürilendigi bellenilýär. Ondan öň resmi saparyň 10-11-nji aprelde boljakdygy habar berlipdi.

Mundan başga-da, 8-nji aprelde meýilleşdirilýän Täjigistanyň we Türkmenistanyň Işewürler geňeşiniň ilkinji mejlisi, şeýle hem 9-njy aprelde meýilleşdirilýän iki ýurduň telekeçileriniň işewürlik forumy ýatyryldy.