«Türkmenistanyň prokuraturasy hakynda» Türkmenistanyň Kanunynyň 16-njy maddasyna laýyklykda, Türkmenistanyň Prezidenti, Türkmenistanyň Ýaragly Güýçleriniň Belent Serkerdebaşysy Serdar Berdimuhamedow Karara gol çekdi.
Resminama laýyklykda:
— ýustisiýanyň kiçi geňeşçisi Allanazar Ataýewiç Nyýazlyýew Türkmenistanyň Baş prokurorynyň orunbasary wezipesine bellenildi;
— ýustisiýanyň geňeşçisi Begenç Ýazmuhammedowiç Gurbangulyýew Türkmenistanyň Baş prokurorynyň orunbasary, Baş müdirliginiň müdiri wezipesine bellenilip, ol Lebap welaýatynyň Darganata etrabynyň prokurory wezipesinden boşadyldy;
— ýustisiýanyň kiçi geňeşçisi Aşirgeldi Baýramsahatowiç Annasahatow Lebap welaýatynyň Darganata etrabynyň prokurory wezipesine bellenildi;
— ygtyýarlyk möhletiniň tamamlanmagy sebäpli, ýustisiýanyň geňeşçisi Alymuhammet Amanmyradowiç Akmämmedow Türkmenistanyň Baş prokurorynyň orunbasary wezipesinden boşadyldy;
— ýustisiýanyň uly geňeşçisi Begmyrat Meretdurdyýewiç Begmyradow Türkmenistanyň Baş prokurorynyň orunbasary, Baş müdirliginiň müdiri wezipesinden boşadyldy;
— ygtyýarlyk möhletiniň tamamlanmagy sebäpli, ýustisiýanyň geňeşçisi Maksat Gurbanmyradowiç Alimow Balkan welaýatynyň prokurorynyň orunbasary wezipesinden boşadyldy. Bu barada «Watan» habarlar gepleşiginde habar berildi.
