Girmek
Seria A-nyň häzirki çempiony «Milan» myhmançylykda «Napolini» uly hasap bilen ýeňdi. Çempionatyň 28-nji tapgyrynda Neapol şäherindäki Diego Armando Maradona stadionyndan geçirilen duşuşyk milanlylaryň 4:0 hasabyndaky ýeňşi bilen tamamlandy.
Duşuşyk «Türkmenistan: Sport» teleýaýlymy tarapyndan göni ýaýlymda tomaşaçylara ýetirildi.
Duşuşykda hasaby ilki bilen 17-nji minutda Rafael Leau açdy. 8 minut soňra ilkinji goluň pasyny beren Braim Dias duşuşykdaky ikinji goly hem geçirdi. 59-njy minutda Leau ýene bir gezek sahna çykdy. «Milanyň» gol şowy 67-nji minutda ýarym goragçy Aleksis Salemakers bilen tamamlandy.
Utulandygyna garamazdan, «Napoli» 71 utuk bilen ýaryşyň başyny çekýär. Üçünji orundaky «Milanda» bolsa 51 utuk bar.