FIFA 2025-nji ýylda geçirilip başlanjak Klublaryň arasyndaky dünýä çempionatynyň formatyny tassyklady.

Tassyklanan tertibe laýyklykda, ýaryş her 4 ýylda bir gezek geçirilip, oňa 32 tipar gatnaşar. Ýaryşda çykyş etmek hukugy aşakdaky görnüşde berilýär:

Aziýa, Afrika we KONKAKAF yklymlarynyň klublarynyň arasyndaky iň ýokary derejeli ýaryşda soňky 4 möwsümde ýeňiş gazanan toparlar — jemi 12 sany;

KONMEBOL-da Libertadores kubogynyň soňky 4 möwsümdäki çempionlary we soňky 4 möwsümde klublaryň reýtinginde iň ýokary orny eýelän 2 topar — jemi 6 sany;

Ýewropa yklymynda Ýewropanyň çempionlar ligasynyň soňky 4 möwsümdäki çempionlary we UEFA-nyň soňky 4 möwsüminde klublaryň reýtinginde ýokary orunlary eýelän 8 topar — jemi 12 sany;

Okeaniýa sebitinde soňky 4 möwsümde klublaryň reýtinginde iň ýokary orny eýelän 1 topar;

Ýer eýesi — 1 topar.

Ýokarky bölünişikden görnüşi ýaly, ýaryşa gatnaşjak 9 toparyň ady şu wagtdan belli. Olar:

• «Çelsi» (Angliýa) — ÝÇL-iň ýeňijisi — 2020/21;
• «Real» (Ispaniýa) — ÝÇL-iň ýeňijisi — 2021/22;
• «Palmeýras» (Braziliýa) — Libertadores kubogynyň ýeňijisi — 2021;
• «Flamengo» (Braziliýa) Libertadores kubogynyň ýeňijisi — 2022;
• «Al-Ahli» (Müsür) — Afrikanyň çempionlar ligasynyň ýeňijisi — 2020/21;
• «Widad Kasablanka» (Marokko) — Afrikanyň çempionlar ligasynyň ýeňijisi — 2021/22;
• «Monterreý» (Meksika) — KONKAKAF çempionlar ligasynyň ýeňijisi — 2021;
• «Sietl Saunderz» (ABŞ) — KONKAKAF çempionlar ligasynyň ýeňijisi — 2022;
• «Al-Hilal» (Saud Arabystany) — Aziýanyň çempionlar ligasynyň ýeňijisi — 2021.

Şol bir wagtyň özünde FIFA 7 toparyň gatnaşmagyndaky Klublaryň arasyndaky ozalky dünýä çempionatyny hem geçirmekligi dowam etdirer.