12-nji martda Amerikanyň kinoakademiýasynyň «Oskar» baýragynyň 95-nji gezek gowşurylyşy boldy. Däp bolşy ýaly, dabara Los-Anjelesdäki «Dolby» teatrynda geçdi, ony ABC teleýaýlymy göni alyp görkezdi. Dabaranyň alypbaryjysy Jimmi Kimmel boldy.
Baýragyň esasy ýeňijisi «Ählisi hemme ýerde we birbada» atly fantastiki drama filmi boldy, ol ýedi ugur boýunça ýeňijiligi gazandy, şol sanda «Iň oňat film», «Iň oňat režissýor», «Ikinji plandaky iň gowy keşpleri ýerine ýetirenler» we «Iň oňat aktrisa» ugurlary boýunça baýraklary gazandy.
Iň oňat aktýor diýlip, «Läheň» filminde baş keşbi janlandyran aktýor Brendan Freýzer, iň oňat aktrisa diýlip, «Ählisi hemme ýerde we birbada» atly filmde çykyş eden Mişel Ýeo yglan edildi. Iň oňat animasion film ugry boýunça «Gilýermo del Toronyň Pinokkiosy» atly ýeňiş gazandy.
Iň oňat daşary ýurt dilindäki film diýlip, Germaniýanyň «Günbatar frontda asudalyk» filmi yglan edildi.
«GRR: Golaýda rewolýusiýa arlaýar» (Hindistan) filmi «Naatu Naatu» aýdymy üçin iň oňat aýdym ugry boýunça baýraga mynasyp boldy.
