Girmek
Si Szinpin Halk wekilleriniň ählihytaý ýygnagynyň 14-nji çagyrylyşynyň birinji sessiýasynda ýurduň Başlyklygyna üçünji möhlete saýlandy diýip, «Interfax.ru» habar berýär.
Çözgüt deputatlar tarapyndan biragyzdan kabul edildi.
Szinpin şeýle hem Merkezi harby geňeşiň başlyklygyna saýlandy.
Ol 2018-nji ýylda ýurduň Konstitusiýasyndan HHR-iň Başlygy wezipesini iki bäşýyllyk möhlet bilen eýelemek barada düzgüni aýyrmak bilen bagly üýtgeşme girizilmegi netijesinde, üçünji gezek döwlet Baştutany boldy.
Si Szinpin 1953-nji ýylyň 15-nji iýunynda doguldy. 2012-nji ýylda ol Hytaýyň Kommunistik partiýasynyň Merkezi komitetiniň baş sekretary boldy, 2013 we 2018-nji ýyllarda HHR-iň Başlygy wezipesine saýlandy. Szinpin şeýle-de 2017 we 2022-nji ýyllarda HKP-niň XIX we ХХ gurultaýlarynda Kompartiýanyň MK-niň Baş sekretarlygyna saýlandy.
Hytaýyň Kompartiýasynyň düzgünnamasynda Baş sekretaryň wezipe ygtyýarlylyklarynyň möhletine degişli çäklendirme ýok.