«Baýer» klubynyň hüjümçisi Serdar Azmun Bundesliganyň şu möwsümindäki ikinji goluny urdy. Ol bundesliganyň 23-nji tapgyryndan orun alan «Gerta» bilen oýunda tapawutlandy.
«Baý-Arena» stadionynda geçirilen oýun 4:1 hasabynda ýer eýeleriniň peýdasyna tamamlandy. Azmun oýnuň 12-nji minutynda Jeremi Frimpongyň pasyndan soňra hasaby açdy.
Şeýlelikde, Azmun bassyr ikinji oýunda öz adyna gol ýazdyrmagy başardy. Mundan başga-da, ol Germaniýanyň çempionatynyň soňky üç tapgyrynda «gol+pas» ulgamynda 3 utuk gazandy.
Mundan ozal Serdar Azmun bundesliganyň 22-nji tapgyrynda «Fraýburg» bilen bolan oýunda gol urdy. Şol duşuşygyň 67-nji minutynda Azmun tarapyndan geçirilen dürs urgy «Baýeri» ýeňlişden halas etdi.
Ýeri gelende ýatlatsak, Azmun «Baýeriň» düzümine 2022-nji ýylyň ýanwarynda goşuldy. Eýranly türkmen asylly hüjümçi bundesliganyň şu möwsüminde 13 oýunda meýdança çykdy.
