Ýewropa ligasynyň 1/16 final tapgyrynyň jogap oýnunda «Mançester Ýunaýted» öz öýünde «Barselonany» ýeňip, indiki tapgyra öz adyny ýazdyrdy.
Oýnuň 18-nji minutynda Robert Lewandowski penaltini dürs ýerine ýetirip, toparyny hasapda öňe çykardy. Ikinji bölümiň başynda Fred hasaby deňledi. 73-nji minutda bolsa Antoni ýer eýelerine ýeňiş getiren topy derwezä ýollady.
Şeýlelikde, «Mançester Ýunaýted» indiki tapgyra ýollanma aldy. Ýeri gelende bellesek, «Kamp Nou» stadionynda geçirilen deslapky oýun 2:2 hasabynda deňlikde tamamlanypdy.
Ýaryşyň 1/6 finalynyň jogap oýunlarynyň esasy netijeleri hökmünde «Ýuwentusyň» myhmançylykda «Nanty» 3:0, «Romanyň» öz öýünde «Zalsburgy» 2:0, «Baýeriň» myhmançylykda «Monakony» 3:2 (penaltiler boýunça 3:5), «Unionyň» öz öýünde «Aýaksy» 3:1 hasabynda ýeňlişe sezewar edip, 1/8 final ýollanmasyny gazanandygyny görkezmek bolar.
ÝL-iň 1/16 final tapgyrynyň jogap oýunlarynyň netijeleri:
- «Union» — «Aýaks» 3:1 (deslapky oýun 0:0);
- «Roma» — «Zalsburg» 2:0 (deslapky oýun 0:1);
- «Renn» — «Şahtýor» 2:1 (penaltiler boýunça 4:5), (deslapky oýun 1:2);
- «Mançester Ýunaýted» — «Barselona» 2:1 (deslapky oýun 2:2);
- «PSW» — «Sewilýa» 2:0 (deslapky oýun 0:3);
- «Nant» — «Ýuwentus» 0:3 (deslapky oýun 1:1);
- «Mitýulland» — «Sporting» 0:4 (deslapky oýun (1:1);
- «Monako» — «Baýer» 2:3 (penaltiler boýunça 3:5), (deslapky oýun 3:2).
Ýewropa ligasynyň 1/8 finalyna bije çekmek dabarasy şu gün Aşgabat wagty bilen sagat 17:00-da başlanar.
