«Napoli» ÝÇL-iň pleý-off tapgyrynyň deslapky oýnunda myhmançylykda «Aýntrahty» ýeňlişe sezewar etdi. Frankfurtdaky «Doýçe Bank Park» stadionynda geçirilen oýun 2:0 hasabynda «Napoliniň» peýdasyna tamamlandy.
Duşuşyk Türkmenistanyň çäginde «Futbol 1» teleýaýlymy arkaly göni ýaýlyma berildi.
Oýnuň 40-njy minutynda «Napoliniň» hüjümçisi Wiktor Osimhen hasaby açdy. Duşuşykdaky ikinji goly neapollylaryň kapitany Žowanni Di Lorenso 65-nji minutda öz adyna ýazdyryp, toparynyň hasapdaky üstünligini iki topa çykardy.
Ýeri gelende, oýnuň 58-nji minutda Kolo-Muaniniň meýdançadan kowulmagy netijesinde nemes toparynyň bir oýunçy azlykda galandygyny bellemek gerek.
Toparlaryň arasyndaky jogap oýny 15-nji martda Neapolda geçiriler.
