Rim Papasy Fransisk wezipesinden gitmek barada pikir etmeýändigini, Papalygyň ömürlik gullukdygyny aýtdy diýip, «RIA Nowosti» ýazýar.
Papa bu barada Kongo Demokratik Respublikasyna we Günorta Sudana saparlary wagtynda aýtdy diýip, «La Civiltà Cattolica» gazeti ýazdy. Papa ýerli takwalar bilen duşuşygynda öňki Papa Benedikt XVI ýaly wagtyndan öň işden gitmek barada sowala: «Bu meniň asla kelläme-de gelenok» diýip, jogap berdi.
Pontifik şeýle-de Papanyň tagtyna çykanda, özüniň saglygy ýaramazlaşan halatynda gyssagly işden gitmek barada resminama gol çekendigini hem ýatlady.
