Şu gün Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow Tatarystanyň Prezidenti Rustam Minnihanow bilen duşuşdy. Bu barada «Tatar-inform» Tatarystan Respublikasynyň Prezidentiniň Metbugat gullugyna salgylanyp habar berdi.
Ozal habar berişimiz ýaly, 18-nji ýanwarda Aşgabada gelen Tatarystan Respublikasynyň Prezidentiniň türkmen-rus Işewürler forumynyň umumy mejlisine, şeýle hem Ahal welaýatynyň täze, döwrebap edara merkezi bolan Arkadag şäherindäki Ahal welaýatynyň baş metjidiniň düýbüniň tutulyş dabarasyna gatnaşmagyna garaşylýar.
