Germaniýanyň goranmak ministri wezipesine Boris Pistorius bellendi diýip, «Report.az» ýazýar.
Ol bu wezipede öňňin iş başyndan giden Kristine Lambrehti çalyşdy. Lambrehtiň iş başyndan gitmegine soňky aýlarda ýurduň Goranmak Güýçleriniň maddy-tehniki ýagdaýynyň tankyt edilmegi sebäp boldy diýip, habar beriş serişdeleri ýazýar.
Pistorius 1960-njy ýylda doguldy, 2006-2013-nji ýyllar aralygynda Osnabrýuk şäheriniň häkimi boldy, 2013-nji ýyldan bäri Aşaky Saksoniýanyň Içeri işler ministrliginiň başlygydy. Ol Germaniýanyň Sosial-demokratik partiýasynyň agzasydyr.
