ABŞ-nyň Newada ştatynyň öňki baş prokurory, senator-demokrat Ketrin Kortes Masto aralyk saýlawlarda garşydaşy, häzirki baş prokuror, respublikaçy Adam Laksalty ýeňdi. Bu barada ýurduň NBC, CNN, ABC teleýaýlymlary habar berdi diýip, «Interfax.ru» ýazýar.
Arizonada senator-demokrat, öňki astronawt Mark Kelli respublikasy maýadar, öňki Prezident Donald Tramp tarapyndan goldanylýan Bleýk Mastersden üstün çykdy.
Netijede, ýurduň Demokratiýaçylar partiýasy Senatda 50 orun, Respublikaçylar partiýasy 49 orun aldy.
Aralyk saýlawlarda ses berlişigiň netijeleri heniz mälim bolmadyk ştat Jorjiýa bolup galýar, ol ýerde Senata saýlawlaryň ikinji tapgyry 6-njy dekabrda geçer, sebäbi bu gezek dalaşgärleriň hiç biri hem sesleriň 50 göterimden artygyny gazanyp bilmedi. Ýöne senatorlaryň deň sanynda partiýalaryň ikisiniň hem adyndan ses berlişige gatnaşmaga ABŞ-nyň wise-prezidentiniň hukugy bar, häzir bolsa ol demokratlardan Kamala Harris bolup durýar. Şunlukda, demokratlar Senatda geljek iki ýylda-da köplük bolup galýarlar.
