Şotlandiýanyň «Reýnjers» topary Ýewropa Çempionlar ligasynyň toparçalaýyn tapgyrynda urlan we geçirdilen gollaryň aratapawudy boýunça antirekordy täzeledi.​

Ýaryşda «Napoli», «Liwerpul» we «Aýaks» klublary bilen bir kwartetden orun alan Jowanni wan Bronhorstyň tälim berýän «Reýnjersi» ähli duşuşyklarda ýeňlişe sezewar boldy. Urlan we geçirdilen gollaryň aratapawudy bolsa 2-22.​

Şeýlelikde, «Reýnjers» toplaryň aratapawudy boýunça mundan ozal Zagrebiň «Dinamosy» tarapyndan 2011/12-nji ýylky möwsümde goýlan (3-22) antirekordy täzeledi.​

Mundan başga-da, «Barselona», «Inter», «Bawariýa» klublary bilen bir toparça nesibesi çeken Çehiýanyň «Wiktoriýa» topary hem toplaryň aratapawudyndaky -19 netije (5-24) bilen ýaryşyň ozalky antirekordyny gaýtalady.​