«HBO» striming gullugynyň başlygy Mah Keýsi Bloýs «Aždarhanyň öýi» atly täze serialyň ikinji möwsüminiň 2024-nji ýyldan bärde çykmajakdygyny aýtdy diýip, «Vulture» neşiri habar berdi.
«Oňa geljek 2023-nji ýylda garaşmaň. 2024-nji ýylda çykar diýip çaklaýaryn. Biz ýaňy onuň maksatnamasyny düzüp başladyk. Geçen gezekdäki ýaly bu gezegem nämälimlikler kän» diýip, Bloýs belledi.
«Aždarhanyň öýi» 2022-nji ýylyň 21-nji awgustynda tomaşaçylara görkezilip başlandy, iki günden soňra ol «HBO»-da iň köp tomaşa edilen serial hökmünde rekord goýdy. Serialyň jemleýji bölümine, ýaýlyma çykmazyndan iki gün öň internetde goýlandygyna garamazdan, 9 million adam tomaşa etdi.
