Futbol boýunça Özbegistanyň kubogynyň final duşuşygynda «Nasaf» «Nawbahory» 2:1 hasabynda ýeňdi. Duşuşyk ýekşenbe güni Buhara şäherinde geçirildi.

Ýeňiji topardan 29-njy minutda Akmal Mozgowoý, 111-nji minutda Mateuş Lima tapawutlandy. «Nasafyň» derwezesine ýeke-täk pögki 57-nji minutda Doniýor Abdumannopow tarapyndan geçirildi.

«Nasaf» taryhynda üçünji gezek Özbegistanyň kubogyna mynasyp boldy. Mundan ozal topar beýle başarnygy 2015-nji we 2021-nji ýyllarda görkezipdi. Kubogy gazanmak babatda rekord 13 gezek bilen «Pahtakoryň» elinde saklanylýar.

Bu ýeňiş «Nasafa» AFK-nyň Çempionlar ligasynyň 2023/2024-nji ýyllaryň möwsüminde toparçalaýyn tapgyra goşulmak mümkinçiligini berdi.