Türkmenistanyň jemgyýetçilik saglygy we iýmit merkezine ÝUNISEF tarapyndan berlen, umumy bahasy ABŞ-nyň 170 müň dollaryndan gowrak şahsy gorag enjamlary gelip gowuşdy.
Täze enjamlar ÝUNISEF-iň Kopengagen şäherindäki ammaryndan Türkmenistanyň Saglygy goraýyş we derman senagaty ministrliginiň ýokanç keselleriň öňüni almak boýunça alyp barýan işlerine goldaw bermek maksady bilen iberildi.
ÝUNISEF-iň Türkmenistanyň Hökümetini ýiti ýokanç kesellere taýýarlyk we garşy göreş meýilnamasynyň ýerine ýetirilmegi babatda goldaýandygyny ýatladýarys. Bu işleriň çäginde 2021-nji ýylda 200 müň ABŞ dollaryna barabar şahsy gorag enjamlary ýurda getirilipdi.
