UEFA-nyň Çempionlar ligasynyň 4-nji tapgyrynyň duşuşyklary tamamlandy. Tapgyryň ilkinji gününde E, F, G we H toparçalarynda, ikinji gününde bolsa A. B, C we D toparçalarynda duşuşyklar geçirildi.
A toparçasyndan «Napoli» «Aýaksy» ýeňdi. Duşuşygyň esasy aýratynlygy Kwarasheliýanyň bir gol geçirip, bir goluň assistini bermegidir. «Liwerpul» Şotlandiýanyň «Reýnjersiniň» derwezesine 7 pökgi geçirdi. Bu duşuşykda Muhammet Salah ÝÇL-niň taryhynda iň irki het-trigi amala aşyrdy.
B toparçada Madridiň «Atletikosy» bilen deňme-deň oýnan «Brýugge» taryhynda ilkinji gezek ýaryşyň 1/8 finalyna çykdy.
Italiýanyň «Interini» kabul eden «Barselona» utulyşdan Lewandowskiniň ahyrky sekuntlarda geçiren goly bilen halas boldy.
4-nji tapgyryň ikinji oýun gününiň ähli netijelerini paýlaşýarys:
«Napoli» – «Aýaks» – 4:2;
«Reýnjers» – «Liwerpul» – 1:7;
«Atletiko» – «Brýugge» – 0:0;
«Baýer» – «Portu» – 0:3;
«Barselona» – «Inter» – 3:3;
«Wiktoriýa Plzen» – «Bawariýa» – 2:4;
«Sporting» – «Marsel» – 0:2;
«Tottenhem» – «Aýntraht» – 3:2.
