«Altyn asyr» elektron gazetiniň habaryna görä, Türkmenistanyň ähli sebitlerinden ýygnanan tälimçiler Aşgabatdaky Olimpiýa şäherçesinde tennis boýunça geçirilen okuw maslahatyna gatnaşdylar.
Okuwy Halkara tennis federasiýasynyň (ITF) Aziýa boýunça wekilhanasynyň hünärmeni we jogapkär işgäri Amir Borgeýi tarapyndan alnyp barylýar. Okuwyň çäginde eminlere nazary we amaly sapaklar geçirilýär.
Okuw bilen bir hatarda 336 türgeniň gatnaşmagynda bu şäherçede çagalaryň we ýetginjekleriň arasynda Türkmenistanyň birinjiligi geçirilýär.
12-nji oktýabrda, sagat 16:00-dan 19:00-a çenli, Olimpiýa şäherçesinde Amir Borgeýiň ussatlyk sapagy geçiriler. Oňa hemmeler gatnaşyp bilýär.
