«Çelsi» kluby goragçysy Ris Jeýms bilen şertnamasynyň möhletini uzaltdy.

Klubyň resmi saýty 22 ýaşly futbolçynyň şertnamasynyň 2027-nji ýyla çenli uzaldylandygyny habar berdi.

Öňräk angliýaly goragçynyň «Çelsiniň» taryhynda iň köp hak tölenýän futbolçy bolmak ähtimallygynyň bardygy barada aýdylypdy.

Jeýms APL-niň şu möwsüminde «Çelsiniň» düzüminde 5 duşuşyga gatnaşyp, olarda bir gezek tapawutlandy we bir goluň assistini berdi.