Girmek
«Opera First» festiwalynyň çäginde Hazarýaka ýurtlaryň birleşen orkestriniň baş edarasy açylar. Ol Astrahan filarmoniýasynda ýerleşer. Bu barada sebitiň medeniýet we syýahatçylyk ministri Olga Prokofiýewa aýtdy diýip, rus internet neşirleri ýazýarlar. «Opera First» festiwaly 2-nji sentýabrdan 11-nji sentýabr aralygynda Astrahanda geçiriler.
4-nji sentýabrdan başlap, festiwalyň çäginde bäş döwletiň sungat işgärleriniň gatnaşmagynda «Russiýanyň güni» we Hazarýaka ýurtlaryň günleri mynasybetli tematiki konsertler geçiriler. Bu festiwal gala konserti bilen tamamlanar. Onda dünýä belli opera ýyldyzlary, Hazarýaka ýurtlaryň bilelikdäki orkestri çykyş eder.
Ozal habar berşimiz ýaly, festiwalyň çäginde «Türkmenistan güni» atly konsert 7-nji sentýabrdageçiriler. Opera aýdymçysy Darýa Huseýinowa we pianinoçy-sazanda Mämet Guseýinow türkmen kompozitorlary Jeren Gurbangylyjowanyň, Nury Halmämmedowyň, Çary Nurymowyň, Daňatar Öwezowyň we Röwşan Nepesowyň eserlerini ýerine ýetirerler.