«Adani Group» hindi konglomeratyny esaslandyryjy we başlygy Gautam Adani dünýäniň iň baý adamlarynyň ilkinji üçlügine girdi. Ondan ýokarky hatarlarda diňe «Tesla» kompaniýasynyň baş direktory Ilon Mask we «Blue Origin» aerokosmiki kompaniýanyň eýesi Jeff Bezos ýerleşdi diýip, «Bloomberg» habar berdi. Hindistanly çig mal treýderiniň emlägi häzir 137,4 milliard amerikan dollary bahalanýar, bu «Louis Vuitton», «Moët», «Hennessy» kompaniýalar toparynyň prezidenti, fransuz işewüri Bernar Arnonyň emläginden 1,5 milliard köpdür. Bernar Arno mundan öň sanawda üçünji ýeri eýeleýärdi, indi onuň ornuna ilkinji aziýaly telekeçi Adani geçdi.
Sanawda birinji orundaky Ilon Maskyň maliýe emlägi 251,4 milliard, ikinji orundaky Bezosyň emlägi 153,4 milliard dollar bahalanýar.
