Eýranyň «Traktor» futbol toparynyň türkmenistanly tälimçisi Gurban Berdiýew şu gün ― 25-nji awgustda 70 ýaşyny tegeledi.
1952-nji ýylyň 25-nji awgustynda Aşgabatda dünýä inen Gurban Berdiýew 1971 ― 1985-nji ýyllar aralygynda Aşgabadyň «Kolhozçy», Don boýundaky Rostowyň SKA, «Rostelmaş», Gazagystanyň «Kaýrat» toparlarynda futbol oýnap, bir gezek Gazagystanyň çempiony boldy.
Tälimçilige 1986-njy ýylda Gazagystanyň «Himik» toparynda başlan Gurban Berdiýew soňra Gazagystanyň «Kaýrat», «Kaspi», Türkiýäniň «Gençlerbirligi», Aşgabadyň «Nisa», Russiýanyň «Kristall», «Rubin», «Rostow» toparlarynda tälimçi bolup işledi.
