Girmek
«Red Bull» toparynyň wekili Maks Ferstappen Formula-1-iň Azerbaýjan Gran-Prisiniň ýeňijisi boldy.
Ikinji orny onuň topardaşy Serhio Peres eýeledi. «Mersedesiň» sürüjisi Jorj Rassel bolsa pellehanadan üçünji bolup geçdi.
«Ferrariniň» sürüjileriniň ikisi hem (Şarl Lekler we Karlos Saýns) tehniki näsazlyklar sebäpli pellehana ýetip bilmediler. Şeýle hem Kewin Magnussen («Haas»), Lens Strol («Aston Martin») we Guanýuý Çžou («Alfa Romeo») dagylar hem ýaryşy ahyryna çenli dowam etdirip bilmedik sürüjilerdir.
Şeýlelikde, 24 ýaşly Ferstappen möwsümde bäşinji gezek ýeňiş gazandy. Onuň karýerasyndaky ýeňişleriň sany bolsa 25-e ýetdi.