Türkmenistanly türgen agyr atletika boýunça dünýä birinjiliginde kiçi kümüş medal eýeledi

12:4213.06.2022
0
6169

Türkmenistanyň agyr atletika boýunça ýetginjekler ýygyndysy Meksikanyň Lion şäherinde geçirilýän dünýä biriniliginde ilkinji kiçi kümüş medalyny gazandy. 2005-nji ýyldan uly bolmadyk türgenleriň arasyndaky dünýä birinjiligindäki bu üstünlik «Olimp» sport mekdebiniň 9-njy synp okuwçysy, 55 kilograma çenli agram derejesinde ýaryşan Perhat Bagtyýarowa degişlidir.

Perhat ştangany itekläp götermek boýunça 125 kilogramlyk netijäni görkezip, ikinji orny eýeledi. Silterlemekde bolsa 97 kilogram agyrlygy eýgeren ildeşimiz iki görnüşiň jemi boýunça 222 kilogramlyk netije görkezdi. Şeýlelikde, bürünç medal gazanan bäsdeşinden bary-ýogy 2 kilogram yza galan Perhat ýaryşy dördünji orunda tamamlady.

Bu agram derejesinde altyn medala hindistanly Sanapati Gurunaýdu mynasyp boldy. Ol iki görnüşiň jemi boýunça 230 kilogram agyrlygy (104 + 126) agyrlygy eýgerdi. Kümüş medalyň eýesi, Saud Arabystanly türgen Ali Majedu Kalititi 229 kilogramlyk netije bilen ýaryşy tamamlady. Bürünç medal eýelän gazagystanly Ýerasyl Umarow biziň ildeşimizden 2 kilogramy artyk göterdi.

Dünýä birinjiligi 18-nji iýunda tamamlanar.

Teswirler
Teswir ýazmak üçin içeri giriň ýa-da registrasiýa boluň