«Microsoft» kompaniýasyny esaslandyryjylaryň biri bolan Bill Geýts «Reddit» forumynyň dowamynda häzirki wagtda ulanýan smartfonunyň modeli barada aýtdy. Milliarder «Samsung» smartfonuny ulanýandygyny aýtmak bilen köpleriň ünsüni çekdi. «Meniň Android Galaxy Z Fold3 kysymly smartfonym bar. Her dürli smartfon ulanyp görýärin. Men beýle ekranly smartfony hem noutbuk, hem telefon hökmünde ulanyp bilýärin we bu ugurda haýsydyr bir enjama mätäçlik çekemok» – diýip, Bill Geýts belläp geçdi.

Synçylar bu babatda kompaniýanyň ozalky ýolbaşçysynyň Microsoft Surface Duo 2 ýaly «Microsoft» kompaniýasynyň smartfonaryny däl-de, «Samsung» smartfonuny ulanýandygyna aýratyn üns çekýärler. ixbt.com saýtynda bellenilişi ýaly, Bill Geýts beýleki smartfonlar ýa-da öz ulanýan noutbugy barada hiç bir zat aýtmaýar.