Şu gün Lebap welaýat gümrükhanasynyň «Farap awtoýollary» gümrük nokadynda Port gözegçilik toparynyň açylyş dabarasy geçirildi. Bu barada Türkmenistanyň Döwlet gümrük gullugynyň resmi web saýtynda habar berilýär.
Açylyş dabarasy Birleşen Milletler Guramasynyň Neşe we jenaýatçylyk baradaky Müdirligi bilen hyzmatdaşlykda BMG-niň Neşe neşe we jenaýatçylyk baradaky Müdirliginiň hem-de Bütündünýä gümrük guramasynyň bilelikdäki «Konteýnerli ýük daşamalara gözegçilik etmek boýunça Ählumumy Maksatnamasynyň» çäklerinde geçirildi.
Çeşmäniň habar bermegine görä, bu çäre wideoaragatnaşyk arkaly BMG-niň Neşe neşe we jenaýatçylyk baradaky Müdirliginiň sebitleýin wekili hanym Aşita Mittalyň ýolbaşçylygynda bu Müdirligiň wekilleri, hemaýatçy halkara guramalaryň wekilleri, Özbegistan Respublikasynyň Döwlet gümrük komitetiniň başlygynyň orunbasary U.Kodirow, «Alýat» gümrük nokadynyň Port gözegçilik toparynyň agzalary (Özbegistan Respublikasy) gatnaşdylar.
Türkmenistanyň Döwlet gümrük gullugynyň başlygynyň orunbasary D.Baýryýew gutlag çykyşynda bu çäräniň bu çäre Türkmenistanyň Döwlet gümrük gullugy bilen BMG-niň Neşe neşe we jenaýatçylyk baradaky Müdirliginiň arasyndaky köp ýyllyk we önjeýli hyzmatdaşlygyň netijesidigini belläp geçdi.
Port gözegçilik toparlarynyň ozal hem Aşgabat şäherindäki Merkezi gümrük nokadynda we Türkmenbaşy şäherindäki deňiz portunda döredilendigini bellemek gerek.
Türkmenistanyň 2009-njy ýylda konteýnerleriň hereketine gözegçilik maksatnamasyna goşulandygyny ýatladýarys. Bu döwürde köp sanly taslama durmuşa geçirildi. Port gözegçilik toparlarynyň bölümleri Halkara gümrük nokadynda we Türkmenbaşynyň halkara deňiz portunda döredildi we gümrük işgärleri üçin dürli okuwlar yzygiderli geçirilýär.
