Gyrgyzystanyň «Neftçi» futbol topary Täjigistanyň futbol ýygyndysynyň ýarym goragçysy Jahongir Ergaşew bilen düzümini güýçlendirdi.
Koçkar-Ata şäheriniň kluby 27 ýaşly futbolçy bilen şu möwsümiň ahyryna çenli şertnama baglaşdy.
Ergaşew mundan ozal «Hujand», «SSKA-Pamir», «Istiklol», «Eshata», «Dinamo Brest» (Belarus), «Saif» (Bangladeş) we «Kyzylkum» (Özbegistan) toparlarynda futbol oýnady.
Onuň Täjigistanyň futbol ýygyndysynda 37 duşuşykda 4 goly bar.
«Neftçiniň» AFK-nyň kubogy ― 2022-de «Altyn asyr» bilen bir toparçada ýaryşjakdygyny ýatladýarys.
