INTERFAX.RU habarlar gullugy golaý wagtda RF-niň we ABŞ-nyň daşary ýurt edaralarynyň ýolbaşçylary Sergeý Lawrow bilen Entoni Blinkeniň Ýewropada duşuşjakdyklaryny habar berdi. Häzir duşuşyga işjeň taýýarlyk görülýär diýip, düýn Russiýanyň DIM-niň resmi wekili Mariýa Zaharowa beýanat berdi.

«Häzir öňde boljak duşuşygyň üstünde işlenilýär, ol tassyk bolan dessine biz habar bereris» diýip, Zaharowa «Rossiýa-1» teleýaýlymynda habarçynyň sowalyna beren jogabynda belledi.
«Kommersant» gazeti duşuşygyň 21-nji ýanwarda Ženewada geçmeginiň mümkindigini ýazýar.