Ýakynda Türkmenistanyň Sport we ýaşlar syýasaty ministrligi bilen Türkmenistanyň Futbol federasiýasy Balkanabat şäherinde çagalaryň gatnaşmagynda «Grassroots» futbol baýramçylygyny geçirdi. Bu barada TFF-niň resmi saýty habar berýär.
Guralan baýramçylyk çäresinde Balkan welaýatynyň futbol mekdepleriniň ýaşajyk oglan hem-de gyz futbolçylary öz ukyp-başarnyklaryny görkezdiler. Festiwalyň dowamynda çagalar guramaçylar tarapyndan ýörite guralan türgenleşik işlerine, dürli ugurdaky bäsleşiklere gatnaşdylar.
Balkanabat şäheriniň “Sport toplumy” stadionynda geçirilen «Grassroots» futbol baýramçylygynyň dowamynda TFF-niň hem-de Türkmenistanyň Sport we ýaşlar syýasaty ministrliginiň wekilleriniň gatnaşmagynda futbol mekdeplerine ýokary hilli futbol toplary bilen birlikde, ýörite sowgatlaryň gowşurylyş dabarasy boldy.
