Tapgyryň esasy aýratynlyklary:

Dört täze golçy: Möwsümde tapawutlanan futbolçylaryň hataryna bu tapgyrda dört futbolçy goşuldy. Has takygy, «Aşgabatdan» Daýanç Nuryýew, Myrat Amantaganow we Orazberdi Myradow, «Energetikden» Alikper Musaibow möwsümdäki ilkinji gollaryny geçirdiler.

92 golçy: Şeýlelikde, möwsümde tapawutlanan futbolçylaryň sany 92-ä çykdy.

17 gol: Tapgyrda derwezelere 17 pökgi geçirildi. Mundan ozal diňe 16-njy tapgyr 17 gol bilen tamamlanypdy.

265 gol: Möwsümde geçirilen gollaryň sany 265-e çykdy.

“Aşgabat” – “Energetik” – 6:1

Gollar: 32 (11 m.j.u) Daýanç Nuryýew, 56 Şatlyk Gurbanow, 61, 63 (11 m.j.u) Myrat Amantaganow, 65 Nurýagdy Muhammedow, 69 Orazberdi Myradow – 78 Alikper Musaibow.

Birinji aýlawda: 1:0

Ikinji aýlawda: 1:0

Üçünji aýlawda: (soňa süýşürildi)

Möwsüm boýunça: 8:1.

90-njy golçy: Myrat Amantaganow Ýokary liganyň şu möwsüminde tapawutlanan 90-njy futbolçy boldy.

Ýokary ligadaky ilkinji gollar: Daýanç Nuryýew Myrat Amantaganow we Alikper Musaibow Ýokary ligadaky ilkinji gollaryny geçirdiler.

Ikinji orunda: Duşuşykda derwezelere 7 pökgi geçirildi. Şeýlelikde, bu duşuşyk şu möwsümde iň kän pökgi geçirilen duşuşyklaryň arasynda ikinji orny eýeleýär. Ýöne ol bu orny başga-da dört duşuşyk bilen paýlaşýar. Ýeri gelende aýtsak, möwsümde iň kkän pökgi geçirilen duşuşyk 10-njy tapgyrdaky «Altyn asyr» ― «Şagadam» duşuşygydyr. 8 pökgi geçirilen şol oýunda «aragatnaşykçylar» 6:2 hasabynda ýeňiş gazanypdy.

Gol tapawudynda-da öňde: Bu duşuşyk ýeňijiniň gollarynyň tapawudy boýunça-da öňdäki hatarlaryň birinde. Has takygy, üçünji orunda. Görnüşi ýaly, «Aşgabat» bilen «Energetigiň» arasynda 5 gol tapawudy bar. Duşuşyk üçünji orny ýene iki duşuşyk bilen paýlaşýar. Täsin tarapy, şu duşuşyklaryň üçüsinde-de «Energetik» ýeňlen topardyr.

 “Merw” – “Ahal” – 0:1

Gol: 79 Gurban Annaýew.

Birinji aýlawda: 0:3

Ikinji aýlawda: 3:0

Üçünji aýlawda (soňa süýşürildi)

Möwsüm boýunça: 3:4.

20-nji gol: Biziň şahsy hasaplamalarymyza görä, Gurban Annaýew 2012-nji ýyldan bäri Ýokary ligadaky 20-nji goluny geçirdi.

Gol geçirtmedik ýeke-täk topar: Tapgyrda «Ahal» derwezesine pökgi geçirtmedik ýeke-täk topardyr.

“Nebitçi” – “Köpetdag” – 1:3

Gollar: 32 Alibek Abdurahmanow – 24 Ýazgylyç Gurbanow, 56 (11 m.j.u.) Şiri Annaýew, 90+4 Yhlas Saparmämmedow.

Birinji aýlawda: 0:1

Ikinji aýawda: 2:1

Üçünji aýlawda: 0:0

Möwsüm boýunça: 3:5.

Bürünç medala mümkinçilik: Tapgyrda «Şagadamyň» utulmagy bilen «Köpetdag» utugyny «kenarlylar» bilen deňledi. Indi toparlaryň ikisinde-de 37 utuk bar. Mundan beýläk toparlaryň arasyndaky üçünji orun ugrundaky göreş has-da ýitileşse gerek.

10-njy ýeňiş: «Köpetdag» möwsümdäki 10-njy ýeňşini gazandy. Şeýlelikde, Ýokary liganyň şu möwsüminde 10 ýeňiş gazanan dördünji topar boldy.

Bir derwezä 20 gol: Alibek Abdyrahmanow şu ýyl «Köpetdagyň» derwezesinden 20-nji pökgini geçiren futbolçy boldy.

950-nji utuk: Bu ýeňişden soňra «Köpetdag» taryhynda toplan utuklaryny 951-e çykardy. Ýokary ligada iň kän utuk gazanan dört toparyň biri bolan «Köpetdag» çempionatda arakesmeler bilen çykyş etdi.

Ýurdumyzyň alty gezek çempiony bolan topar taryhyndaky iň kän utugyny 1995-nji ýylda gazandy. Şol ýyl «Köpetdag» möwsümi 84 utuk bilen tamamlady. Häzir 37 utukly «Köpetdagyň» «Şagadam» bilen üçünji orun ugrunda göreşýändigini ýatladýarys.

“Altyn asyr” – “Şagadam” – 4:1

Gollar: 14 Farhat Italmazow (öz derwezesine), 69, 79 (11 m.j.u.), 88 Altymyrat Annadurdyýew – 83 Yhlas Magtymow (11 m.j.u.).

Birinji aýlawda: 1:1

Ikinji aýlawda: 6:2

Üçünji aýlawda: 2:0

Möwsüm boýunça: 13:4

60 utukly ilkinji topar: Bu ýeňişden soňra utugyny 61-e çykaran «Altyn asyr» möwsümde 60 utuklyk sepgide ýeten ilkinji topar boldy.

Annadurdyýewiň 30-njy goly: Möwsümiň iň netijeli futbolçysy Altymyrat Annadurdyýew pökgüleriniň sanyny 30-a ýetirdi.

Ilkinji dörtlükde: Altymyrat Annadurdyýew bu netije bilen Ýokary liganyň tarayhynda bir möwsümde iň kän pökgi geçiren futbolçylaryň ilkinji dörtlügine girdi. Ýeri gelende aýtsak,

1992-nji ýylda Sergeý Kazankow (TSHT), 1995-nji ýylda Rejepmyrat Agabaýew («Nisa») ― 41,

2001-nji ýylda Didargylyç Urazow («Nisa») ― 32,

2015-nji ýylda Myrat Ýagşyýew («Nebitçi») ― 31,

2005-nji ýylda Berdi Şamyradow (HTTU), 2016-njy ýylda Süleýman Muhadow («Altyn asyr») ― 30 pökgi geçirdi. Indi 30 pökgüli futbolçylaryň hataryna Altymyrat Annadurdyýew hem goşuldy. Eger ol öňde duran dört tapgyrda ýene 3 pökgi geçirip bilse, soňky 28 ýylyň içinde bir möwsümde iň kän pökgi geçiren futbolçy bolar. Ýöne A.Annadurdyýewiň rekordy täzelemegi üçin dört duşuşykda 12 pökgi geçirmegi gerek bolar. Bu bolsa her duşuşykdan azyndan het-trik talap edýär.

Tapgyr 7 duşuşyga çykdy: Altymyrat Annadurdyýewiň pökgi geçirmekdäki yzygiderli tapgyry 7 duşuşyga çykdy. Ýeri gelende aýtsak, ol 18-nji tapgyrdan başlap, ähli duşuşyklarda tapawutlanyp gelýär. Ol şol duşuşyklarda 13 pökgi geçirdi.

Bassyr iki tapgyr bäri: Yhlas Magtymow «Şagadamyň» Ýokary ligadaky soňky iki duşuşygynda hem tapawutlandy. Şeýlelikde, ol möwsümdäki gollarynyň sanyny 12-ä çykardy. Iň netijeli futbolçylaryň sanawynyň ikinji ornundaky Elman Tagaýewiň hasabynda 13 pökginiň bardygyny ýatlatsak, Yhlas Magtymowda bu orna dalaş etmäge mümkinçilik bar.

Altynjy dürs penalti: Altymyrat Annadurdyýew möwsümde 11 metrlik jerime urgularyny altynjy gezek dürs ýerine ýetirdi. Mundan ozal onuň 7, 12, 13, 19 we 22-nji tapgyrlardaky jerime urgulary hem dürs bolupdy. Ýeri gelende, möwsümiň iň netijeli futbolçynyň 1-nji tapgyrdaky 11 metrlik jerime urgusyny dürs ýerine ýetirip bilmändigini hem aýtmak gerek.

110-njy gol: Duşuşykdaky ikinji pökgüsi Altymyrat Annadurdyýewiň Ýokary ligadaky 110-njy goly boldy. Şeýlelikde, ol çempionatymyzda 2012-nji ýyldan bäri 110 gol geçiren üçünji futbolçy boldy. Şol bir wagtyň özünde ol şol möwsümden bäri iň köp pökgi geçiren futbolçylaryň arasynda hem üçünji orna çykdy. Öň bu orunda 109 golly Didar Durdyýew bardy. Ýeri gelende aýtsak, sanawyň başyny 142 gol bilen Süleýman Muhadow çekýär. Ikinji orundaky Myrat Ýagşyýewiň hasabynda bolsa 123 gol bar.

Bir toparda 20 gol: Biziň şahsy hasaplamalarymyza görä, Yhlas Magtymow 2013-nji ýyldan bäri çempionatda «Şagadamyň» düzüminde 20-nji pökgüsini geçirdi. Ol şol möwsümden bäri toparda iň köp tapawutlanan futbolçylaryň sanawynda dördünji orny eýeleýär.

Ilkinji het-trikçi: Altymyrat Annadurdyýew Ýokary liganyň şu möwsüminde het-trik eden ilkinji futbolçy boldy. Möwsümiň iň netijeli futbolçynyň ozal bir duşuşykda dört, 6 duşuşykda bolsa iki pökgüden geçirendigini ýatladýarys. Şu hasap bilen, onuň möwsümdäki 30 golunyň 19-synda dubllaryň, het-trikleriň we pokerleriň paýynyň bardygyny görýäris.

800-nji gol: Duşuşykda Altymyrat Annadurdyýewiň geçiren ilkinji goly «Altyn asyryň» çempionatdaky taryhynda garşydaş derwezelere geçiren 800-nji goly boldy.

Çempionatda 2008-nji ýyldan bäri çykyş edip gelýän «aragatnaşykçylaryň» yzda galan möwsümleriň birinde ― 2016-njy ýylda 100 golluk sepgitden geçirip görüpdiler. Ýönekeý hasaplamalar toparyň 100-nji goluny 2011-nji, 200-nji goluny 2013-nji ýylda, 300-nji goluny 2014-nji ýylda, 400-nji goluny 2015-nji ýylda, 500-nji goluny 2016-njy ýylda, 600-nji goluny 2017-nji ýylda, 700-nji goluny geçen ýyl geçirendigini görkezýär.

Ýaryş tertibinden hem görnüşi ýaly, «Altyn asyr» şu ýyl 67 pökgi geçirdi. Şeýlelikde, topar Ýokary ligada çykyş edip gelýän 13 möwsüminiň 7-sinde 60 golluk sepgitden geçdi.

Şu tapgyrdan soňra «Altyn asyryň» hasabynda 802 gol bar. «Aragatnaşykçylar» bu netije bilen Ýokary liganyň taryhynda iň kän pökgi geçiren toparlaryň sanawynda ilkinji ýedilige girýär. Altynjy orundaky «Nisanyň» hasabynda 877 gol bar.