Italiýanyň çempionaty “Serie A”-da 7-nji tapgyrynda sanawyň ýeňlişsiz lideri soňky minutlarda Zlatan Ibrahimowiçiň goly bilen bu derejesini saklap galdy. Öz meýdançasynda “Weronany” kabul eden 1-nji ýarymda 2 gol geçirden “Milan” soňky minutlarda ýeňlişden halas boldy. Oýnuň 6-njy minutynda Barak, 19-njy minutynda-da Zakkani myhmanlary öňe saýlady. 27-nji minutda Manianiň öz derwezesine geçiren goly bilen hasap 2-1 boldy. 2-nji ýarymda hüjüm baryny eden “Milanyň” super ýyldyzy Zlatan Ibrahimowiç 66-njy minutda penaltiden peýdalanyp bilmedik. Oýnuň soňky minutlarynda Kalabrianyň goly VAR-yň kömegi bilen hasaba alynmady. Ýöne ruhdan düşmedik “Milan” 90+3-nji minutda Ibrahimowiçiň goly bilen hasaby deňlemegi başardy. Şunlukda, çempionatda 7-nji oýnunda-da ýeňilmedik “Milan” 5 ýeňişden soň, 2-nji gezek deňme-deň oýnady. “Milany” ýeňlişden halas eden Zlatan Ibrahimowiç çempionatda yzly-yzyna oýnan 7 duşuşygynda tapawutlanyp, Andreý Şewçenkonyň rekordyny täzeledi.
