Annaoraz Döwletowyň ýolbaşçylygyndaky «Melodiýa» orkestri aşgabatlylary hem-de paýtagtymyzyň myhmanlaryny 25-nji aprelde «Watan» kinokonsert zalynda geçiriljek «90-njy we 2000-nji ýyllaryň hitleri» atly konsertine çagyrýar.

Konsert hakyky manyda geçip giden wagta syýahat bolar diýlip garaşylýar we ol üýtgeşik görnüşde geçiriler: ozal kassetaly magnitofonlarda we ilkinji CD pleýerlerde ýaňlanan meşhur kompozisiýalar orkestriň ýerine ýetirmeginde täze ajaýyp öwüşgine eýe bolar.

Agşamky maksatnamada Şeriň meşhur hitleri, Britni Spirsiň we «Backstreet Boys» toparynyň dünýä belli aýdymlary, şeýle hem «Ruki Wwerh» toparynyň köpçüligiň söýgüsini gazanan aýdymlary ýerine ýetiriler. Şeýle-de bu agşam ýurdumyzyň meşhur «Güneş» toparynyň döredijiligine aýratyn üns berler.

Konsertde ýerine ýetirijiler hökmünde Döwran Şammyýew, Bahar Durdyýewa, Emir Baýramgeldiýew we Mustafa Ýagşyýew dagy çykyş eder.

Konsert 19:00-da başlanýar.

Biletleri şu telefon belgiler arkaly satyn alyp bolýar: +99362822827 we +99363049686.