Türkmenistanyň Futbol federasiýasynyň metbugat gullugynyň habar bermegine görä, Ýokary liganyň klublarynyň arasynda geçiriljek ýurduň futbol çempionatynyň täze möwsümi 4‑nji aprelde badalga alar.

Ýaryş sekiz toparyň gatnaşmagynda dört aýlawda geçiriler. Birinji aýlawyň oýunlary 4‑nji aprelden 10‑njy maýa çenli meýilleşdirildi, ikinji aýlaw bolsa 20‑nji iýunda tamamlanar.

Ýaryşa «Arkadag» (Arkadag), «Ahal» (Änew, Ahal welaýaty), «Altyn Asyr» (Aşgabat), «Merw» (Mary, Mary welaýaty), «Köpetdag» (Aşgabat), «Şagadam» (Türkmenbaşy, Balkan welaýaty), «Aşgabat» (Aşgabat) we «Nebitçi» (Balkanabat, Balkan welaýaty) toparlary gatnaşar.

2025-nji ýylyň Türkmenistanyň çempionatynyň ýeňijisi «Arkadag» boldy. Klub yzly‑yzyna üçünji gezek Ýokary liganyň altyn medalyny gazandy.