UFC-niň häzirki ýarym orta agramdaky çempiony Yslam Mahaçew 12-nji iýulda Las-Wegasda geçiriljek Halkara söweş hepdeliginiň çäklerinde Maýkl Morales bilen duşuşar — diýip, El Comercio portaly habar berýär.

Mahaçew uzak ýyllaryň dowamynda ýeňil agramda (70,3 kg çenli) üstünlik gazanmagyny dowam etdirenden soň, ýarym orta agrama geçdi. Ol ýeňil agramdaky çykyşlarynda UFC-niň çempionlyk guşagyny gazandy we bu agram derejesinde rekord goýup, ony dört gezek yzly-yzyna goramagyň hötdesinden geldi. 34 ýaşly türgeniň ýeňil agramdaky soňky garşydaşy Jek Della Maddalena boldy. Täze agram derejesine geçmek üçin Mahaçew ozalky çempionlyk guşagyndan ýüz öwürmeli boldy.

Ýarym orta agramda hem çempion bolup, Mahaçew UFC-niň taryhynda iki dürli agram derejesinde çempion bolmagy başaran ilkinji russiýaly türgen boldy.