2026-njy ýylyň 24–25-nji fewralynda pleý-off tapgyrynyň jogap duşuşyklaryndan soň UEFA Çempionlar ligasynyň 1/8 finalyna gatnaşjak klublaryň doly topary düzüldi.

24-nji fewraldaky duşuşyklar (jogap oýunlary):

«Atletiko Madrid» «Brýugge» toparyny 4:1 hasaby bilen ýeňip, umumy 7:4 hasapda indiki tapgyra çykdy. «Baýer Lewerkuzen» «Olimpiakos» bilen 0:0 hasap bilen deňme-deň oýnady, emma iki duşuşygyň jemi boýunça (2:0) nemes kluby öňe geçdi. «Inter» «Budýo/Glimte» klubyndan 1:2 hasaby bilen ýeňildi we ýaryşdan çykdy (jemi 2:5). «Nýukasl» kluby «Karabah» toparyny 3:2 hasap bilen ýeňip, umumy 9:3 hasaby bilen 1/8 finala çykdy.

25-nji fewraldaky duşuşyklar (jogap oýunlary):

«PSŽ» umumy 5:4 hasaby bilen indiki tapgyra çykdy. «Galatasaraý» umumy 7:5 hasaby bilen 1/8 finala çykdy. «Real Madrid» kluby «Benfikany» umumy 3:1 hasap bilen ýeňdi. «Atalanta» kluby bolsa «Borussiýa Dortmundy» umumy 4:3 hasaby bilen ýeňip, haýran galdyryjy ýagdaýda öňe saýlanmagy başardy.

Liganyň tapgyrynda ilkinji sekizlige girip, awtomatiki ýagdaýda 1/8 finala çykan toparlar: «Arsenal», «Bawariýa», «Liwerpul», «Tottenhem», «Barselona», «Çelsi», «Sporting» we «Mançester Siti» klublary.

Tapgyryň iň uly haýran galdyran duşuşygy — geçen möwsümiň finalyna gatnaşan «Interiň» norwegiýaly «Budýo/Glimtden» ýeňilip ýaryşdan çykmagydyr.

1/8 finalyň bije çekişligi, şeýle hem 1/4 we 1/2 finalyň bije çekişligi 2026-njy ýylyň 27-nji fewralynda, anna güni, Merkezi Ýewropa wagty bilen sagat 12:00-da UEFA-nyň Nýondaky ştab-kwartirasynda geçiriler. 1/8 finalyň oýunlary 10–11-nji we 17–18-nji martda geçiriler.
Ýaryşyň finaly 2026-njy ýylyň 30-njy maýynda Budapeşt şäherindäki «Puškaş Arena» stadionynda geçiriler.