Pekinde 14–16-njy noýabrda «Hytaý diliniň Bütindünýä maslahaty – 2025» geçirildi, ol dilleri okatmagy, okuw babatda hyzmatdaşlygy we okatmagy sanlylaşdyrmagy ösdürmegiň meseleleri boýunça esasy halkara meýdançalaryň biri hökmündäki abraýyny görkezdi. Türkmenistan maslahatda Pekiniň daşary ýurt dilleri iniwersitetiniň ýardam bermeginde dilleri okatmagyň we hyzmatdaşlygyň merkezi (CLEC) tarapyndan guralan «Construction of Localized Chinese Language Education System in Digital Intelligence Era» ýöriteleşdirilen halkara maslahatda gatnaşan wekiliýeti arkaly çykyş etdi.

Maslahat şu gün – 2025-nji ýylyň 15-nji noýabrynda China National Convention Center” atly Hytaýyň iri kongres merkezinde boldy we dünýäniň dürli sebitleriniň, şol sanda Argentinanyň, Afrika ýurtlarynyň, Ispaniýanyň, Italiýanyň, Fransiýanyň, Portugaliýanyň, Braziliýanyň, Kamerunyň, Kanadanyň, ABŞ-nyň we Hytaýyň ýokary okuw mekdepleriniň  bilermenlerini, ylmy işgärlerini, ýolbaşçylaryny we bilim ministrlikleriniň wekillerini birleşdirdi

Döwletmämmet Azady adyndaky Türkmen milli dünýä dilleri institutynyň rektory Maksat Çaryýewiň çykyşy maslahata gatnaşyjylaryň ünsüni aýratyn özüne çekdi, ol sanly ulgama geçmegiň şertlerinde hytaý dilini okatmagy döwrebaplaşdyrmak boýunça milli tagallalara toplumlaýyn syn berdi.

Rektor öz çykyşynda Türkmenistanda bu ugurda amala aşyrylýan işleriň esasy ugurlaryny tekrarlady:

Hytaý Halk Respublikasynyň öňdebaryjy ýokary okuw mekdepleri bilen hyzmatdaşlygy berkitmek we hereket edýän ylalaşyklaryň çägini giňeltmek;

hytaýly hyzmatdaşlar bilen bilelikde okuw saparlarynyň, tomusky mekdepleriň we hünär derejesini ýokarlandyryş okuwlarynyň maksatnamalaryny goşmak bilen milli mugallymçylyk işgärlerini taýýarlamak;

sanly okuw tehnologiýalaryny, şol elektron okuw kitaplaryny, wirtual synplary we emeli aňyň platformalaryny ornaşdyrmak;

talyplary we mugallymlary alyşmagy giňeltmek, şeýle hem türkmen talyplarynyň diller boýunça halkara çärelerine gatnaşmagyny işjeňleşdirmek;

türkmen diliniň we medeniýetiniň aýratynlyklaryny nazara alýan ýerli şertlere uýgunlaşdyrylan bilim materiallaryny ösdürmek.

Türkmen wekiliýetiniň çykyşy daşary ýurtlaryň wekillerinde uly gyzyklanma döretdi. Soňky ýyllarda Türkmenistanda hytaý dilini öwrenmek boýunça maksatnamalar ýokary okuw mekdeplerinden we ýöriteleşdirilen kafedralardan başlap, mekdeplere we goşmaça bilim merkezlerine çenli yzygiderli giňeldilýär.

Bilermenler Türkmenistanyň ony Merkezi Aziýa sebitinde geljegi uly bolan hyzmatdaşlyga öwürýän dil öwretmegi sanlylaşdyrmaga öz çemeleşmesini döretmekde durnukly ösüşi görkezýändigini bellediler. Maslahatyň barşynda dürli döwletleriň wekilleri öz milli bilim ulgamlarynda hytaý dilini sanlylaşdyrmagyň we ýerli şertlere uýgunlaşdyrylan öz nusgalary, ýagny emeli aňyň platformalaryny ornaşdyrylmakdan başlap, multimediýa okuw gorlaryny işläp düzmäge we okaýanlaryň medeni aýratynlyklaryny nazara almak bilen, materiallary uýgunlaşdyrmaga çenli edilýän işler bilen tanyşdyrdylar.