Garaşsyz Döwletleriň Arkalaşygynyň döwlet Baştutanlarynyň Geňeşiniň mejlisinde Sergeý Lebedew öňdäki üç ýyla Baş sekretarlyga bellendi. Çözgüt dar düzümdäki mejlisde kabul edildi diýip, «Interfax.ru» habar berdi.

Sergeý Lebedew GDA-nyň Ýerine ýetiriji edarasyny 2007-nji ýylyň oktýabryndan bäri dolandyryp gelýär. Ol şol wagt Ýerine ýetiriji geňeşiň başlygy – GDA-nyň ýerine ýetiriji sekretary wezipesine bellenipdi. Şondan bäri Lebedewiň wezipe ygtyýarlylyklary birnäçe gezek uzaldyldy. 2023-nji ýylyň 1-nji ýanwarynda bu wezipe GDA-nyň döwlet Baştutanlarynyň karary bilen «GDA-nyň Baş sekretary» diýlip üýtgedildi.