Türkmenistanyň milli futbol ýygyndysy 2027-nji ýylyň Aziýa kubogy ugrundaky saýlama tapgyrynyň çäklerinde Şri-Lankanyň ýygyndysy bilen geçiriljek duşuşykda ýaşyl köýnekçede meýdança çykar. Bu barada Türkmenistanyň Futbol federasiýasynyň metbugat gullugy habar berýär.

Duşuşyk 9-njy oktýabrda Kolombo şäherinde geçiriler, oýun Aşgabat wagty bilen sagat 15:15-de başlanar. Meýdança eýeleri ak köýnekçede çykyş ederler.

Geçirilen iki tapgyrdan soň Türkmenistanyň ýygyndysy D toparçasynda 6 utuk bilen birinji orny eýeleýär. Şri-Lanka bilen Taýlandyň ýygyndylary 3 utukdan toplady. Toparyň sanawyny entek utuk gazanmadyk Hytaý Taýbeýiniň ýygyndysy jemleýär.