Girmek
Türkmenistanyň jiu-jitsu boýunça ýygyndysy 11-14-nji sentýabrda Afinada (Gresiýa) geçirilen 20-nji Balkan açyk çempionatyndaky çykyşyny üstünlikli tamamlady.
Çempionatyň soňky günlerinde (13-14-nji sentýabr aralygy) türkmen türgenleri dürli ugurlar boýunça bu ýaryşa ajaýyp taýýarlyk görendiklerini tassykladylar. Soltanmyrat Nuryýew (62 kg), Şyhberdi Rahmanow (69 kg), Bagtyýar Myradow (77 kg) we Rahat Gurbanow (ussatlar toparynda 85 kg) «ne waza» görnüşi boýunça altyn medallary gazandylar.
«Ne waza» görnüşi boýunça kümüş medallara Alyşir Jumamyradow (62 kg), Yslam Öwezow (69 kg) we Eziz Ýollyýew (85 kg) dagy mynasyp boldular. Bürünç baýraklary Yslam Rejepow (62 kg), Daýanç Kullyýew (69 kg) we Annagurt Amanmyradow (77 kg) gazandylar.
Yslam Rejepow (62 kg) we Yslam Öwezow (69 kg) «no gi» görnüşi boýunça çempion diýen ada mynasyp boldular. Kümüş medallary Süleýman Nuryýew (62 kg), Daýanç Kullyýew (69 kg) we Eziz Ýollyýew (85 kg) gazandylar.
Soltanmyrat Nuryýew (62 kg), Şyhberdi Rahmanow (69 kg), Oguldursun Azimowa we Annagurt Amanmyradow (85 kg) bürünç medallara mynasyp boldular.
Tutuş ýaryşyň netijeleri boýunça türkmen pälwanlary 38 medal: 14 altyn, 12 kümüş we 14 bürünç medal gazandylar.