Girmek
Penşenbe güni Gyrgyzystanyň paýtagtynyň sebitinde ýer titremesi hadysasy bolup geçdi. Bu ýurduň seýsmologiýa institutynyň maglumatlaryna görä, ýerasty sarsgynlary ýerli wagt bilen sagat 13:57-de (Moskwa wagty bilen 10:57) hasaba alyndy — diýip, vedomosti.ru saýty habar berýär.
Ýer titremäniň magnitudasy 4,3 bala deň boldy. Ýer titremesiniň merkezi Bişkek şäherinden günorta-gündogar tarapda, Beş-Küngeý obasynyň golaýynda, takmynan bir kilometr çuňlukda ýerleşýär.
Onuň merkezindäki ýer titremäniň güýji ýerli ölçeg boýunça 4,5 bala ýetdi. Gyrgyzystanyň paýtagty Bişkekde bolsa ýer titremäniň güýji 4 bala deň boldy. Şäheriň ýaşaýjylary tolkunlary ýerli wagt bilen takmynan sagat 14:00-da duýup başladylar.
Häzirki wagta çenli ýer titremäniň mümkin bolan netijeleri ýa-da ýetirilen maddy zyýanlary barada maglumat gelip gowuşmady.
Şeýle hem 11-nji sentýabrda seýsmologlar Demirgazyk Kuril adalarynyň golaýynda, Ýuwaş okeanyň akwatoriýasynda 4,5 bal derejesindäki ýer titreme hadysasyny hasaba aldylar. Bu ýer titreme sebitiň ilaty üçin howp salmady – diýlip, bellenilýär.