Girmek
«Aşgabat» futbol kluby myhmançylykda «Köpetdagy» 1:0 hasabynda ýeňip, Türkmenistanyň Ýokary ligasynyň çempionatynyň 18-nji tapgyrynda ýeňiş gazandy.
Duşuşyk sişenbe güni «Köpetdag» stadionynda geçirildi. Oýundaky ýeke-täk goly 62-nji minutda «Aşgabadyň» ýarym goragçysy Begmyrat Baýow täsirli gapdal «gaýçy» urgusy bilen saldy.
Bu üstünlikden soň «Aşgabat» 17 utuk bilen Ýokary liganyň ýaryş tertibinde 6-njy orunda ýerleşdi. «Köpetdag» bolsa 10 utuk bilen 8-nji ýerde barýar.
Tapgyryň beýleki duşuşyklarynda «Arkadag» myhmançylykda «Şagadam» bilen duşuşyp, ony 4:1 hasabynda ýeňdi, «Nebitçi» bolsa öz meýdançasynda «Merwi» 1:0 hasabynda ýeňdi.
18-nji tapgyryň iň soňky duşuşygy çarşenbe güni geçiriler: «Ahal» kluby «Altyn Asyry» «Nusaý» stadionynda kabul eder. Duşuşyk sagat 17:45-da başlar. Bu oýunda «Altyn Asyr» ýeňen halatynda, utuklar boýunça ol «Ahal» bilen deňleşer, ýöne soňky agzalan toparyň bir oýny ätiýaçlykda galýar.