Şu gün Hindistanyň Aşgabatdaky ilçihanasynyň guramagynda Hindistanyň Garaşsyzlyk gününiň 79 ýyllygy mynasybetli dabara geçirildi. Bu barada ilçihana sosial ulgamlaryndaky sahypalarynda habar berdi.

Dabara Hindistanyň Türkmenistandaky ilçisi Madhumita Hazarika Bhagat tarapyndan açyldy, ol Hindistanyň milli baýdagyny galdyrdy we ýygnananlaryň öňünde çykyş etdi.

Çäräde «Har Ghar Tiranga» («Her öýde baýdak») maksatnamasy guralyp, bu milli baýdagy hindi raýatlarynyň arasynda wagyz etmek maksady bilen hödürlenildi.

Çärä ilçihananyň işgärleri, Türkmenistandaky hindi jemgyýetiniň wekilleri we Hindistanyň ýerli dostlary gatnaşdy.